أخبار الامتحانات

اخبار جامعة القاهره

اخبار جامعة عين شمس

حصريا : موسوعة كلية التجاره جامعة القاهره

موسوعة كلية التجاره جامعة القاهره
الحمد لله رب العــالمين و الصــلاة و الســلام علي خير المرسلين سيــدنا محــمد و علي آلــه و صحبـه اجمعين و من تبع هداهــم الي يوم الدين ثم اما بعد
بداية اشهد الله عز و جل و اشهدكم ان هدف هذا الموضوع ليس الا نفع الطلاب و مساعدة من سيأتون بعدنا و ان نيتي فيه خالصة لوجه الله عزو جل ...

اهلا و سهلا بيك معانا في موقع الجامعه الالكترونى

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

و الف مبروك علي نجاحك و بما انك داخل تجارة يبقي مجموعك علي الاقل 85 مثلا والله اعلم... يعني مستوي حضرتك بسم الله ما شاء الله كويس...

(( مع ملاحظة ان ممكن المجاميع تنزل شوية بس المتوسط 85 % عمومــــــــــــــا))


قال تعالي (( ( وقل اعملوا فسيرى الله عملكم ورسوله والمؤمنون ) ))
عرفنا ان العلم اللي عندنا ده امانة ربنا ادهالنا و اننا لازم ننقلها للي بعدنا عشان يستفيدوا منها ...
الموضوع ده معمول عشان حضرتك و بس ...
حنقول فيه كل حاجة ممكن تقابلها و الاسئلة اللي حتسألها و المشاكل اللي ممكن تواجهك ...
و حيفضل الموضوع مفتوح و لو حطيت سؤال في الاخر اوحاجة حتلاقيني برد علي حضرتك باستمرار باذن الله
مش انا لوحدي لا ... انا و كل الاعضاء هنا لانهم جواهم خير و قلوبهم عمرانة بالايمان ,,,,


عاوزة اقولك انك داخل اولي جامعة مش رابعة ثانوي يعني المرحلة اللي انت داخلها دي ليها قواعد جديدة و قوانين جديدة تماما و عيشة تانية خـــــــــــــــــــــــالص غير ايام ثانوي !! ...يعني من دلوقتي عاوزاك تنسي الطابور و المدير و لبس المدرسة و الشنطة و كل ده ...

من النهاردة انت طالب جامعي يعني اخرك كشكول من ابو قلوب من برة و مليان رسومات من جوة و مافيهوش و لا محاضرة ( ما شاء الله مجتهد!!)و قلم واحد و بــــــــس ... شوف بقي كام مرحلة تعليمية بتحقد عليك و كام طالب بيتمني اللي انت حتبقي فيه بس انت طبعا و لايهمك....
و بنقولها لحضرتك من دلوقتي حتتبسط جــــــــــــدا والله ....


عشان كده متبوزش خالص و لا تحس ان حضرتك في كلية اقل من كلية تانية ابدا
على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


لعلم حضرتك كلية تجارة مجموعها كل شوية بيعلي و بتقرب تبقي من كليات القمة
طب تعرف ان حضرتك مجالك اوسع من اي كلية تانية علي مستوي الجامعة كلها ؟
لان الدكتور مينفعش يبقي الا دكتور و كذلك المهندس و كذلك المدرس ....لكن انت ؟
تشتغل في اي مكان لو مع حضرتك بكاليريوس تجارة ....
بنك / شركة اي كانت نوعها حتي لو هندسة بترول / مؤسسة / حتي وظيفة حكومية / وزارة / كل الاماكن التجارية / شركات البورصة / مكاتب المحاسبة
و حاجات كتيــــــــــــــــــــــــــــــــــــــــــرة جدا جدا يعني انت ممكن تلاقي شغل اسرع من واحد متخصص في مجال معين .....

و في حكمة لازم تعرفها بتقول ( كن قمة في القاع و لا تكن قاعا في القمة ) يعني ايه اللي كان حيفيدك لو كنت دخلت كلية من كليات القمة و فشلت فيها .....

ايه اللي يضمنك ياللي كان نفسك تدخل طب و مجالكش انك لما تدخل طب و تشتغل تقتل مريض بالخطأ ؟؟
و ايه اللي يضمنك ياللي كان نفسك في هندسة و مدخلتهاش انك تبني مبني و يتهد علي الناس اللي فيه؟؟؟
ايه اللي يضمنك ياللي نفسك في صيدلة و مجاتلكش انك تخطأ في تركيبة و يموت بيها ملاااااايين؟؟؟
سبحان الله العظيم ... يبعد عنك كل الشرور .. فيمكن تكون الحاجات دي مكتوبالك لكن ربنا حفظك منها !!! و دخلك مجال تاني.

يمكن المجال التاني اللي تدخله تبقي ناجح فيه .. بل من انـــــــــــــــــــــــــــــجح الناس!! يمكن تبقي الاول علي كليتك ... يمكن حد يعينك علي فعل خير ربنا يكرمك بيه طول حياتك ... يمكن يتشال عنك بلاء كان جايلك.. و يمكن تقابل نصك التاني (فتاة احلامك او فارس احلامك)!!


عاوزةاقول لحضرتك ان السكك لما بتتقفل ادامنا مش بيبقي عشان نتخنق ... لأ ابدا!!...
بس عشان الله عز و جل حيفتحلك سكة اجمل و كلها خير و سعادة لحضرتك
سكة بجد حتنجح فيها و ييجي اليوم اللي تقول فيه سبحان الله!!

عارف في دكتور مرة قالنا انه جاله هندسة عين شمس بس خاف من صعوبة المناهج ,,, و دخل تجارة القاهرة و قالنا بتخيل نفسي لو كنت دخلت هندسة كنت حبقي فين دلوقتي ؟
كنت حبقي شايل البطيخة و حاطط المنديل الكاروهات علي دماغي و لابس بدلة الحكومة اللبني و مروح في اتوبيس .....
ربنا اراد بيه خير و دلوقتي هو دكتور محترم في كلية تجارة جامعة القاهرة ......... ...
و عشان كده اوعي تسأل اشمعنا انا دخلت تجارة و صاحبي دخل كذا اوعي تعترض علي حكم الله لانه عمره ما حيظلمك ...
و بعدين فرضا بعد 5 سنين حالك بقي احسن بكتيــــــر من صاحبك حتقول اشمعنا انا ؟
و لما تدخل الجنة حتقول اشمعنا انا؟

المهــــــــــــــــــــــــــم

طبعا اول ما الناس عرفت ان جالك تجارة قالولك ايه ؟
كليـــــــــــــــة الشــــــــــــــعب!! ..
عاوزة اقولك ان كله مش بيسلم لو دخلت طب حيقولوا عليك جزار او طب من بقك و لو كنت في بيطري حيقولولك بتاع بهايم و لو دخلت تجارة يقولوا كلية الشعب,,, مافيش كلية معصومة من التريقة الا كلية الشرطة ...تحيا مصر !! .....فمش لازم يعني كلية كبيرة و الحكمة بتقول اذا لم تعمل ما تحب ....

مافيهاش حاجة عيش حياتك يابني ....

و اوعي بجد تفكر و يبقي همك الاول هو الناس بتقول عليك ايه عارف ليه ؟
اقرأ كد القصة دي
كان في قصة عن جبل عالي اوي و كله مخاطر و بجد صعب حد يطلعه ...
عملوا جايزة مين اللي يطلع لقمة الجبل ده ... في ناس فعلا اتطوعت و طلعت ...
و هما طالعين .... بقوا سامعين الناس اللي واقفة تحت بيقولوا ( ياااااااااااااه ده جبل صعب اوي محدش حيقدر يوصل لنهايته ابدا !!
كلهم حيقعوا ...علي فكرة كلهم محدش فيهم حيوصل
!!!)
و هكذا ..المتسابقين بقوا سامعين الكلام و بقوا بيقعوا فعلا واحد ورا التاني ,, واحد ورا التاني ....
الا واحـــــــــــــــد !! .................
فضل يطلع يطلع و الناس بيقولوا نفس الكلام ....و فعلا وصل للقمة!!
و لما نزل و خد جايزته سألوه ازاي متأثرش بكلام الناس ...تخيل ليه؟؟
طلع اطــــــــــــــرش !!

المغزي من القصة دي ان عموما مش رأي الناس فينا هو اللي بيحدد احنا مين ...لا احنا اللي بنحدد ..
لو فضلت تسمع لرأي الناس فيك و احباطهم ليك لما تقول حبقي كويس اوكده صدقني مش حتعمل حاجة
الحل الوحيد انك تسد ودانك و تمشي في طريقك مادام هو الطريق الصح و مادام ربنا راضي عنه


نيجي شويـــــــة للدراسة .... ...
اكيد طبعا اخواتك الاكبر لو عندك اخوات يعني او حتي اصحابك او قرايبك حكولك شوية علي الجامعة و النظام و و المحاضرات و الدكاترة و قالولك الدكاترة بتسقط الطلبة وان في افتراء بيحصل و الكتب مش عارفة ايه ...
بص من الاخر متصدقش اي حاجة الا لما تشوف بعنيك يعني لازم متعممش المسألة لا خالص حتلاقي كده و حتلاقي كده في ظلم و في عدل و في فضل و بجد لازم تتعلم ان مش كل حاجة تسمعها تصدقها ...لازم تفكر كويس اوي قبل ما تصدق ...عامة بردو احنا حنعرف حضرتك باذن الرحمن تتعامل مع الدكاترة ازاي و ازاي تفرق و كده يعني حناخدك نقولك كل حاجة ان شاء الله ....



الجامعة في الافلام
بص عشان بس متتصدمش... الجامعة اللي في الافلام دي مش حقيقية خالص علي فكرة !!
نظام ان البطل اللي عنده 70 سنة و في سنة تالتة و البطلة سبحان الله معاه في الجامعة في نفس السنة و عندها 120 سنة و عاملة ضفيرتين

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


و تلاقي بقي البطل و البطلة قاعدين في الكافيتريا ام كراسي ((اللي قعدت ادور عليها سنة كاملة اهو و ملقيتهاش)) و تلاقيهم معندهمش محاضرات و في جرسون و تشرب ايه يا فندم و الورد حواليهم

لالالالالالالالا الحقيقة غير كده خالص...
الجامعة الحقيقية كلها ناس من سنك و الدكتور سنه كبير و المعيد بتاعك حوالي 24 او 25 سنة .. و مافيش كافيتريات بكراسي عند تجارة خالص او علي حد علمي انا ملقتش.....في كافيتريات ايوة و احنا حنعرف حضرتك مكانها بالظبط لانك معرض للجوع بجد في الجامعة ....
و عشان متبقاش تايه او حاسس ان حياتك ضايعة و مش عارف تعمل ايه عملنا الموضوع ده عشانك
و حناخدك من باب الجامعة من اول الحرس اللي برة لحد يوم النتيجة و حنقولك كل اللي حيواجهك و ازاي تتصرف معاه سواء الناس اللي جوة او نظام الدراسة او الكورسات و ازاي تذاكر و ايه اللي انت حتبقي عاوز تسأله و حنجاوبك عليه و حتبقي عاوز ايه اول يوم و ايه اللي حيحصلك اول يوم ده و الورق بتاع المكتبات و الاسر اللي حيترمي في عينك عشان تشوفه بالعافية ...اه لا عادي عادي .....
احنا هنا حنساعدك و حنعرفك نظام الجامعة بمحاضراته بدكاترته بسلطاته و بابا غنوجه.....


بص خدها مني كلمة الحكمة بتقول ( ابدأ من حيث انتهي الاخرون) واحنا حنقولك وصلنا لحد فين بالظبط و اللي عليك بجد من بعد كده انك تكمل و تجتهد و تكافح و تنصر ربك في الارض و تكمل طريقك بمجهودك و طموحك....
عاوزة اقولك ان الكلام اللي حنقولهولك ده امانة في رقابينا و قلنا لازم ننقله للي بعدنا بكل امانة يعني مافيش حاجة حنقولهالك حنضللك بيها
انسي كل اللي فات و ابتدي حياتك الجامعية و متخافش حتعرف كل حاجة و مش حنسيبك و كل الكلام اللي جاي ده جد جـــــــــدا



علي بــــــــــاب تجــــــــــــــــــــــارة (2)


طبعا ممكن حد من حضراتكم يسأل نفسه ....
طب يا تري الموضوع حيبقي عن الدراسة و لا الجامعة نفسها و لا عن ايه بالظبط ؟
الحقيقة هو عن كــــــــــــــــــــــــــــل حاجة

قبل ما ابدأ في الموضوع نفسه بداية حقول الموضوع حيحتوي علي ايه بالظبط
هو باذن الرحمن منقسم لحاجتين
1/ الدراسة
2/ العلاقات


بشكل عشوائي جدا حتكلم عن .....................

(1)
الدراسة و اختلافها عن ثانوي
نظام الجامعة
طريقة المذاكرة بالتفصيل اللي توصلك لامتياز
الدكاترة و المحاضرات و السكاشن
الامتحانات و ملازم الامتحانات
الفترة اللي قبل الامتحانات
الامتحانات نفسها و اسرار الحل في ورقة الاجابة
الفرق بين المعيد و الدكتور
الفرق بين المحاضرة و السكشن
الفرق بين المدرج و القاعة
التقديرات من كام
المواد اللي حتاخدها و ازاي تذاكر كل واحدة
شرح 4 مواد عملي موجود هنا ع الموقع
العملي و النظري و الفرق بينهم
الكورسات فين و امتي و بكام
خريطة مصورة للكلية
الكارنيه و المصاريف و التقديم
الكتب و التطبيقات
مكتبات الورق
المظاهرات
بطاقة الترشيح في الاول بدل الكارنيه
النتيجة امتي
كشكول المحاضرات
الكتابة داخل المحاضرة
تصوير الورق فين
عدد الابواب بتاعة الجامعة اللي حتدخلوا منها
مجموعات الكلية بكام و فين
الاخوان و تكريم الاوائل
مساعدة المحتاج
عاوز تسأل الدكتور ؟
اجيب الجدول منين
اعرف ازاي ان السكاشن ابتدت
ارقام الجلوس
الكارنيه جوة الامتحان
المحاضرة خلصت روحوا
كولديرات المية
الجمعية العلمية
اتحاد الطلبة فين
ازاي تلخص الكتاب بتع الدكتور
ازاي تلخص المنهج كله في ورقة وش و ظهر
اذاكر منين
الالتماسات
المكتبة المركزية
اجيب التطبيقات منين
بكاااااااااااااااام
درجات الرأفة


(2)
اوقات الفراغ في الجامعة ازاي تستثمرها
في طريقك للجامعة ازاي تستثمر وقتك
الاخوان المسلمين و الاسر عموما
زملاءك في الجامعة
الاصدقاء و انواعهم
الموبــــــــــــــايلات
هدفك جوة الجامعة بالظبط
الأكل و الكافيتريات و الاسعار
الجامع بتاع الولاد و الجامع بتاع البنات
الحمامات فين
النزول قبل المحاضرة بوقت اد ايه
القعاد في المدرج
اللبس المناسب
للبنات شنطتك لازم يبقي فيها ايه
راعي ربنا في نفسك و في لشباب
الأنشطة داخل الجامعة و انواعها
تعاملك مع اللي حواليك
الحب في سنة اولي
الصحوبية
الخروج عن النص تماما
الناس الروشة الخ الخ
الهزار
الكلام مع الولاد و البنات
تخطي الحدود
تعملي ايه لو واحد جه كلمك ؟
واحد طلب منك محاضرة
الحل الاكيد لكل حاجة
حاسس اني بحبها اعمل ايه؟
الحل الاكيد للحب
اعلاقات الاجتماعية العامة مع زمايلك
حاسس اني منبوذ
حاسة اني منبوذة
الصح فين؟
محلات بيع كروت الشحن
رسالة الي كل بنت جامعية
رسالة الي كل شاب جامعي


الخ الخ الخ

ده بشكل مختصر جدا اللي حيتكتب في الموضوع باذن الرحمن ....
و حاجــــــــــات تانية باذن الله حتبقي سراج ينير لحضراتكم و لو ضوء بسيط في طريقكم في الحياة الجامعية ...
و متقلقوش كل الكلام المكتوب موثوق فيه باذن الله و صحيح ....


 علي باب تجارة 3

نبدأ اول حاجة نعرفكم علي الجامعة شكلها ايه من جوة
رائـــــــــــــــــعة !!
و علي فكرة اجمل من الصور بكتير ......
و بجد بجد بجد حتنبهر بيها.........
لما ربنا يكرمكم و تدخلوها ان شاء الله حتلاقوها كلها جناين و زرع و اشــــجار جميلة بجد ..
و ورود و ساعات نخل ....
دلوقتي حنعرض صور بس ...
لكن حنقول كل مكان حيفيد حضراتكم في ايه بعد كده ...


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

و الصورة الجاية دي صورة للقبة و للساعة
علي فكرة الساعة دي بترن كل ساعة ... و رناتها بعدد الساعات يعني ايه؟
يعني الساعة واحدة ... ترن مرة
الساعة اتنين .. ترن مرتين
الساعة 11 ... ترن 11 مرة
و هكذا ...


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


و الصور الباقية كلها من الانترنت ...


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي



دي بقي المكتبـــــــة المركزيــــــــة

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

و ده بقي مدرج هـ / و ......
و في طالب فوق في يوم كان في مظاهرة و كان بيحرق علم اسرائيل !!

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

أما بقي المدرجات من جوة ....و الصور من النت

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


الدكاترة بتقف هنا و بتشرح علي البروجكتور ...
او بيبقي معاهم لاب توب و بيبقي ظاهر كده ..

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

و اخيرا دي صورة لطلبة اثناء القيام بمظاهرة ...

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي




باذن الله بعض كلامنا حيبقي عن المدرجات و المباني و الشئون و كده
فرسمت الخريطة دي ( مش خريطة اوي يعني ) قبل اي حاجة عشان لما اقول شئون الطلبة تبقي عارف انا بتكلم عن ايه بالظبط و تبقوا عارفين مكانها ....

دي الخريطة المعروفة لكلية تجارة ....

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي



زي ما شايفين في الخريطة (ربنا معاكم يعني )

حندخل الجامعة منين ؟
في الباب لرئيسي الي بييجي في التلفزيون اللي قدامه القبة ....
و اللي صورته كانت فوق خالص .....
بس انا مش راسماه هنا لانه ابعد باب عن كلية تجارة
اغلب الطلبة في كلية التجارة بيدخلوا من بابين ....
باب مترو اللي ظاهر تحت خالص ده
و باب تجارة اللي فوق خالص ....

(( ملحوظة مهمة باب تجارة مقفول علي فكرة بس في باب قريب منه عند كلية اقتصاد و علوم سياسية
بحيث تدخل تمشي طوالي حتلاقي المدرجات علي يمينك ....))

المدرجات
كليتنا الجميلة هي اكبر كلية من حيث المدرجات ...
عندنا 7 مدرجات و كل مدرجين موجودين في مبني واحد ماعدا العيوطي
فوق خالص علي الشمال المدرجات موجودة
1_____ ج / د
2_____ أ / ب
3_____ هـ / و ( اللي كان بيتحرق عليه العلم )


اما مدرج العيوطي فده كبير جدا و مكيف ....
موجود في نفس المبني مع ( مركز البحوث و الدراسات التجارية ) حتسمع الاسم ده كتير ركز و حقول لحضرتك لازمته ايه
اللي موجود في الخريطة اهو تحت جامع الشباب...
او علي الحقيقة بقي ورا جامع الشباب ....

دي المدرجات اللي حتدرس فيها باذن الله ....

شئون الطلبة زي ما حضراتكم شايفين ادام مدرج أ / ب من ناحية الجلاب (( دي كافيتريا بس مافيهاش كراسي طبعا هي زي محل كده بيبيع سندوتشات و عصاير و حاجات حلوة ))

في الخريطة عندنا 4 كافيتريات مرموز لهم ( بسندوتش وعلبة بطاطس )
الجلاب _ الاشجار _ تمر حنة _ العمدة
...

لازم تكون عارف شئون الطلبة كويس دي بتاعة تجارة .....
لو بقي عديت شئون الطلبة حتلاقي مبني تجارة انجليزي لونه اخضر و معمول بالزجاج حجة فخمة بقي ....


كل مربع اسود صغير بيرمز لكولدير مية ....
واحد عند ج / د
واحد عند أ / ب
و واحد ادام مسجد البنات
...

في كمان دورة مياه للبنات في المدرج ج / د نفسه في باب جانبي ...
و في نصيحة للبنات في الجزء ده بس لما ييجي وقته


و كمان في دورة مياه في مدرج أ / ب جوة المبني نفسه جنب باب المدرج ( أ ) بالظبط في دورة مياه للشباب...


لو داخل من باب مترو ....
اول ما تدخل حتلاقي علي الشمال شوية كده كشك موبينيل اللي لونه برتقاني ....
ادام الباب الي اليسار قليلا حتلاقي شارع كل الناس بتمشي منه تقريبا امشي فيه
لا تحود يمين و لا شمال
خليك ماشي طوالي طوالي حتلاقي علي الشمال المكتبة المركزية كبيــــــــــرة جدا جدا اللي كانت صورتها فوق
و في تحتها بالظبط مركز تصوير مستندات ( عليه ملحوظة )
لحد ما تلاقي تحويدة كده ..

خليك زي ما انت طوالي بردو
المـــــــــــــهم
حتلاقي علي الشمال مبني ( مركز البحوث و الدراسات التجارية )
و بعدين علي الشمال بردو جامع الشباب
و في الوش بالظبط بقي كافيتريا الاشجار ....
يبقي كده مبــــــروك انت وصلت للمدرجات ....


مابين مدرج ج / د ... و مدرج أ / ب
حتلاقي كشكين .....
في واحد لونه اخضر بتاع الجمعية العلمية
و التاني بتاع اتحاد الطلبة .....


جامع البنات زي ما باين في الصورة قريب اوي من جامع الشباب قصاده تقريبا


لو عديت مدرج ج / د و كافيتريا الاشجار و فضلت ماشي الشارع الطويل ده
حتلاقي علي الشمال كشكين بردو
اول واحد في طريقك ( مركز خدمة المجتمع ) تصوير مستندات بردو
و تاني واحد موبينيل لونه برتقاني ..


حتلاقي الشارع خلص و في وشك مبني كلية آثار (اللي مرسوم عليه واحدة شبه نفرتيتي ده و حاجة شبه الاهرامات ) ....
بص علي اليمين
حتلاقي ممرات ضيقة كده
خش الممر ده حتلاقي علي شمالك شبابيك حديد ( مركز خدمة المجتمع ) تصوير ورق
طيب ......
لو خرجت من الممر ده و عديت المبني كله من وراه
حتدخل شارع ( احفظه ) لان ده اللي حتشتري منه التطبيقات (ايه هي التطبيقات ؟ لسه شوية باذن الله)
الشارع ده لو مشيته لأخره حتلاقي نفسك طلعت عند باب مترو تاني .......


معلش بقي حمشيكم شوية
دلوقتي كأنك دخلت من باب مترو تاني .....
بص علي الشمال حتلاقي شارع كده
لو مشيته لاخره و حودت يمين حتلاقي نفسك عند مبني الامتحانات .....
و علي رأي المثل ودنك منين يا جحا

انت كأنك لفيت حوالين المبني كله ....
لو دخلت من باب مترو عديت كشك موبينيل حتلاقي زي حواجز محطوطة كده (اللي لونها احمر )عديها و افضل ماشي ماشي حتلاقي علي مرمي بصرك كافيتريا كده (تمر حنة ).....
عدي بقي الكافيتريا
بص شمالك المبني اللي جنبها بالظبط ده هو مبني الامتحانات ....( احفظه بردو )

كروت الشحن في الجامعة
عندنا كروت الشحن بتاعة موبينيل في الكشك اللي ادام باب مترو اللي قلنا عليه قبل كده
طيب فودافون ؟ ...
فاكرين لما قلنا اننا لما بندخل من باب مترو بيبقي في شارع علي شمالنا بالظبط
لما تمشي الشارع ده هتلاقي علي شمالك محل كده بيبع حلويات و كده
ده فيه كروت شحن فودافون ... عشان اذا احتجتم تتكلموا و مكنش معاكم رصيد


ده كان تعريف بسيط جدا للجامعة او الاماكن اللي لازم تمر بيها ...
كده دي كل المعالم قصدي المباني اللي حتحتاجها او حتبقي عاوز تعرفها ....
و حنعرف باذن الله كل مبني حتحتاجه في ايه و احنا بنشرح نظام الدراسة ...


 علي باب تجارة 4


التقديـــــم و المصاريــــــف


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


عاوز اعرف اروح اقدم في الكلية ازاي ؟؟


اول حاجة خالص بتعرف ايه المطلوب من حضرتك في الملف اللي حتقدمه ...
و ده من خلال الموقع الرسمي لكلية تجارة موجود علي جوجل ...
http://commerce.cu.edu.eg/
غالبا علي ما اتذكر الحاجات اللي بتقدمها في الملف بتبقي بسيطة
يعني 6 صور و شهادة نجاحك بتاعة الثانوية اللي انت طبعتها و صور منها و شهادة الميلاد

و بعدين بتروح الجامعة و معاك الحاجات دي

و للبنت أما ان حد يعملك التقديم كله من اخواتك الشباب (اللهم اجزي اخي كل خير ) او والدك او لو حتروحي لازم حد ييجي معاكي والدك أو اخوكي او اي حد من محارمك طبعا لأن ممكن وقتها يكون زحمة فعشان متتبهدليش و تقفي في طوابير و ممكن تتوهي مثلا لازم يبقي حد معاكي عشان متبقيش خايفة
...

المهـــــــــــــــــــم

حتروح المدرجات تقدم الملف فيها و مش حتتوه باذن الرحمن و حتي لو تهت ميجراش حاجة حتلاقي 100 واحد يدلك...
و البنات اسألي بنت ....اوعي تسألي واحد ماشي خليكي في البنات عشان ربنا يستر طريقك
...

طيب انهي مدرج اقدم فيه ؟

بتعرف وقتها انهي مدرج ...




على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

فين الخزنة ؟

في ظهر مدرج أ / ب ...
يعني لو حضرتك واقف عند مدرج ج / د و ادامك الناحية التانية مدرج أ / ب هو المكان ده بالظبط في وش المدرج ج / د علي الناحية التانية حتلاقي الخزنة و لو ان مش لازم في نفس اليوم يعني ابقي ادفعها مرة تانية عشان تيجي الجامعة تاني ....و تعمل الكارنيه ..
لان حضرتك الافضل لك تيجي الجامعة قبل الدراسة مرة او مرتين عشان تعرف الاماكن ...



الكـــــــــــــــارنيه


حتروح زي ما قلنا حتدفع مصاريفك حيدوك ورقتين واحدة حمراء و واحدة بيضاء او زرقاء ... و بيقولولك ان الورق ده بتاع الكارنيه
و اتأكد انه كتب جنب اسمك في دفتر انك دفعت المصاريف....
بعد كده حضرتك بقي بتروح شئون الطلبة ( اللي المفروض خلاص عرفت مكانها اللي ادام مدرج أ / ب عند كافيتريا الجلاب ) بتقدم الورق ده عشان تعمل الكارنيه بياخدوا منك الورقة البيضاء و بيبقي معاك التانيين كاثبات مش اكتر
و بعدين الراجل اللي واقف بيشخبطلك ع الورقة و بيقولك الكارنيه بعد اسبوع ....

بس في حاجة اهم من كل ده.....

ايه هي؟


المعاملة ....
بعض الشباب ساعات بيبقي خلقهم ضيق و بيبقوا مضايقين من الحر و الزحمة و كده و نتيجة لذلك ممكن يتنرفز علي حد اوعي تتنرفز علي حد من اللي بيبقوا واقفين دول بيبقي طلعان عينهم طول النهار عامله كويس و راعي ربك عشان الراجل يعاملك كويس ..و افتكر دايــــــــــــــما


و بكده يبقي خلصنا التقديـــــــم و المصاريف و الكارنيــــه



علي باب تجارة 5


دلوقتي حضراتكم جاهزين عشان تدخلوا جامعة القاهرة ...
في كلية من اجمل و اسهل و امتع كلياتها ...

كلية التجارة

عاوزين نعرف يا تري ايه الفرق بين الجامعة و بين ثانوي من حيث الدراسة ....


في الجامعة الدراسة حتختلف اختلاف جذري عن الدراسة ايام ثانوي او في المدرسة عموما
في المدرسة كنت بتلاقي اللي معاك علطول (المدرس) و متابعك و اعمل الواجب و مش عارفة ايه لكن انت في الجامعة (سيــــــــــد نفســـــــــــــــــــــك)


يعني ايه ؟
يعني الدكتور اللي حيدرسلك مالوش دعوة بيك هو حيشرحلك و يرشدك ارشاد بسيط في المادة و يرد علي سؤالك (احتمال يرد يعني !!) لو انت سألته في حاجة معينة
و تاني حاجة مختلفة هي ان الجامعة طريقة مذاكرتها مختلفة بمعني ان الاعتماد الاكبر حيبقي علي فهمك لمضمون الكلام و تديها انت بقي في الاجابة ...
انسي بقي الحفظ الصم ده ووالله اتذكر ايام الاحياء المدرس بتاعنا كان بتفرق معاه الكلمة يعني و انا بسمع ادامه اقول (ينقل ) يقوللي لا غلط (يتم نقله ) مافيش حاجة من كده بقي في الجامعة بالعكس دانت ممكن تجاوب مادة مكان مادة و تنجح و يا عالم ممكن تجيب تقدير فيها كمان ....


طيب يا تري كده انا حبذل مجهود اكبر لاني حبقي معتمد علي نفسي؟

لا خالص علي فكرة ...
ممكن الكلام ده يبقي في كلية تانية
لكن تجارة لا تماما ...
معروف عن كلية تجارة ان اللي بيعدي من جنب المحاضرة بينجح
و اللي بيذاكر اخر شهر بينجح اوي
فما بالك بقي لما تذاكر من اول السنة ...؟؟؟

و كمان المذاكرة مش صعبة خالص ...
بالعكس مذاكرة الجامعة اسهل بكتيـــــــــــــــــــــــــــــــــــر من مذاكرة ثانوي
انت كل اللي علي حضرتك انك تفهــــــــــــــم كويس ..
و تعرف مفاتيح كل مادة و اسرار الاجابة في ورق الاجابة و عن تجربة شخصية بتفرق !!!
و كمان طريقة مذاكرة المادة النظري مختلفة شوية عن المادة العملي
و حشرح كله متقلقوش ....
بالتفصــــــــــــــــــيل

بس مش معني اني بقول ان المذكرة سهلة يبقي نسيبها خالص
في حكمة بتقول ان
كلما زادت الحرية زادت المسئولية

يعني حريتك زادت طبعا كتيييييييييييييييير
و بالتالي مسئوليتك عن نفسك زادت بردو كتيييييييييييييييييييير

و لاحظ ان في نسبة مش قليلة من الطلبة بياخدوا مواد معاهم للسنة اللي بعدها

يعني من الاخر امسك العصاية من النص
متبقاش مستهتر و متذاكرش حاجة خالص و لا تحضر و كده
و متبقاش متشدد علي نفسك اوي بحيث تتخنق و تفقد متعتك بالجامعة

شوية و شوية,,,,


طيب يا تري يومي في الجامعة حيبقي عامل ازاي؟.
ناخد يوم كده مثال ...
عند حضرتك محاضرتين
من 10 الي 12
و من 12 الي 2
لازم تبقي عارف ان المحاضرة مش ساعتين بالظبط يعني ممكن ساعة و نص
ساعتين الا ربع بالكتير

لازم تنزل قبل المحاضرة بوقت كافي جدا
بحيث توصل هناك الساعة 10 الا ربع او حاجة
لان بجد نظام الجامعة حيعلمك الالتزام ...
زمان كنت بتتأخر علي الدرس عادي و ممكن تتأخر شوية علي الحصة بعد الفسحة
لكن في الجامعة بقي اتأخرت يبقي خلاص اقعد احسن في البيت


لان باب المدرج لما بيتقفل مش بيتفتح تاني
بمعني ان مافيش حد بيدخل بعد الدكتور


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

في قلة قليلة من القلائل القلة من الدكاترة بيسيبوا الباب مفتوح للطلبة عشان تدخل
لكن كل الباقيين بيقفلوا الباب يعني خد بالك جدا من النقطة دي


ازاي تستثمر وقتك في الطريق ؟
قول اذكار الصباح و المساء لو مكنتش قلتها في الفجر
ممكن تقول خلاص قلتها في الفجر
مش مشكلة يبقي كل خطوة قول استغفر الله العظيم
او سبحان الله و بحمده (يمين)
سبحان الله العظيم (شمال)
او اي حاجة بترتاح لما تقولها

وصلت الجامعة الحمد لله
حتدخل بالكارنيه طبعا لازم توريه للحارس
و ساعات بتدخل كده
((في الاول خالص مش معاك كارنيه صح؟ ))
حيدخلوكم ببطاقة الترشيح للكلية

وصلت المدرج ادخل
اقعد في مكان كويس ترتاح فيه ...
و استهدف تجمعات الشباب
و البنات استهدفي تجمعات البنات

فاضل ربع ساعة علي المحاضرة
استثمر وقت فراغـــــــــــــــــــــــــــــــــــــــــــك

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

مش حنقعد نبص علي الرايح و اللي جاي
طلع المصحف اقرا فيه لحد ما الدكتور يدخل ...
خليـــــــــــــــــك ناصــــــــــــــــح

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

متضيعش وقتك
اقرأ القصة دي كده
باختصار كان في واحد راح لعيادة دكتور و خد دوره و فضل قاعد مستني دوره
بيبص حواليه لقي ناس باصة في السقف زهقت من الانتظار و ناس نايمة و ناس بترغي و ناس و ناس ....
محدش بيعمل حاجة مفيدة الا شــــــــــــــــــــاب واحد قاعد يقرأ قرآن بقاله بتاع ساعة و نص
و بعد ما الشاب ده اللي بيقرأ قرآن دخل و خرج و كان ماشي فالشاب اللي معانا في القصة راح سأله قاله انت ما شاء الله عليك
بتقرأ القرآن كتير وكلنا مكناش بنعمل حاجة مفيدة ....
فقاله : احنا بنضيع ثواني عمرنا في حاجات ملهاش لازمة خالص مع اننا بعد ما ندخل القبر حنبقي عاوزين حسنة واحدة تخفف عننا ....
و عشان كده دايما المصحف في جيبي كل ما اكون فاضي بقرأ و بكده بقرأ كتير في اليوم
و من بعد اللحظة دي الشاب الاول بيقول بقيت عمري ما امشي الا و المصحف في جيبي ....



المهم الدكتور دخل

اقفل الموبايل اهم حاجة او حتي اعمله صامت
عشان في دكاترة بتتنرفز و دول الاكتر بيتضايقوا و كده

مع حضرتك طبعا كشكول و قلم
ركز اوي مع الدكتور و اكتب المحاضرة
لوقال ملحوظة او كده اكتبها بردو ...
و خليك مركز جدا لحد ما المحاضرة تخلص

الناس كلها بتطلع برة تشم هواء
اطلع و طبعا عارف اماكن الكافيتريات عاوز تاكل او تشرب او تقعد كده او تروح الحمام
و علي سيرة الاكل ....

السندوتشات السوري
لما تروحوا ان شاء الله تشتروا سندوتشات لأن ممكن تجوعوا في الجامعة
تشترو ايه ؟
في بطاطس محمرة بالكاتشب و المايونيز ( بس بلاش مايونيز في الحر عشان ممكن يبقي حامض )
السندوتش ده اسمه بطاطس فرنساوي بــ 3 جنيه
و في سندوتش تاني اسمه طعمية سوري بــ 3 و نص ...
سألت بقي في الموضوع ده هو ايه الفرق بين الطعمية السوري و الطعمية المصري ؟
طلع ان الاختلاف في العيش ... العيش هو اللي سوري
يعني لو حطينا مية في السندوتش هتبقي مية سوري


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


و طبعا ابتعدوا عن اللحوم ....


مش عاوز تخرج خلاص طلع المصحف بردو و اقرأ و استثمر وقتك

المحاضرة اللي بعدها نفس الكلام
خلصت يبقي خلاص
روح
ادي يومك بكل بساطة ......

اللي حتعمله في البيت بقي كمذاكرة حقوله دلوقتي
او بمعني اصح حقول لحضرتك
ازاي تذاكر بحيث تحصل علي امتياز و بجد مش هزار ....

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي 


 علي باب تجارة6

المذاكرة اللي توصلك لامتياز

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

غالبا لما تيجي تسأل حد انت بتذاكر ازاي ممكن ميقولش
لحكمة غير معروفة بصراحة او غير مفهومة بالنسبة لي
مع ان الحديث واضح ....و لا يؤمن هنا مش معناها ان الفرد مش مؤمن خالص
لأ
معناها لا يكتمل ايمانه
يعني لو عاوز يكتمل ايمانك حب لأخيك ما تحب لنفسك
حب له النجاح و التفوق زي ما تحب لنفسك
اللهم اجعلنا من المؤمنين المكتمل ايمانهم

قول آميــــــــــــــــــــــــــــــــن


عمومــــــــــــــــا
انا بفضل من الله عز و جل حاصلة علي تقدير امتياز السنة دي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

و طريقة مذاكرتي بالتفصيل هي اللي ححكيها

مع ملحوظــــــــــــــــــــــــــة مهمة جدا


ان طريقة مذاكرتي مش هي الافضل لأنننا كأشخاص بنختلف في الميول و قدرات الاستيعاب
في اشخاص بتحب الحفظ جدا و النظري و ناس تانية مش بتحب الحفظ تماما
و في ناس مش فارقة معاها اصلا
و الحاجة اللي ممكن اذاكرها في ساعة ممكن حد تاني يخلصها بنفس قدرة الاستيعاب في خلال ربع ساعة
يبقي مافيش مقياس محدد
و مافيش طريقة مذاكرة احسن من طريقة مذاكرة



السر في طريقة المذاكرة 3 حاجات

خلال الدراسة
قبل الامتحانات
خلال الامتحان


حشرح كل واحدة لوحدها و حثبت ان لو حصل خلل في واحدة منهم حيأثر علي الباقيين

اولا : خلال الدراسة
تنقسم الي حاجتين

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

في الجـــــــــــــامعة
في البيــــــــــــــــت

1 ___ في الجامعة

في طلبة بيهملوا جدا في المحاضرات و الحضور و السكاشن مع ان ده اول الطريق اللي لازم نحط أقدامنا عليه
خلال الدراسة لازم متفوتش و لا محاضرة و لا سكشن
و لا حتي واحــــــــــــــــــدة !!
الا بقي لو عندك ظرف طارئ يمنع حضرتك انك تروح الجامعة
او عيان اوي

المهم لازم تحضر كله كله كله
حتي لو دكتور مش بتفهم منه حاجة لان حضرتك ممكن تقابل بعض الدكاترة اللي اول ما يدخلوا المحاضرة تلاقي نص المدرج خرج!
و بتحصل والله العظيم ..
انت بقي متمشيش خليك قاعد حتي لو مش فاهم منه كويس
و الدكتور اللي متفهمش منه كويس تعرف ان ده اكتر واحد لازم تبقي مركز معاه
ركز اوي في كلامه حتلاقيك بتلقط كده شوية حاجات حتعرف قيمتها بعدين


و احذر الكــــــــــــسل !!

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

بعض الطلبة بيكسلوا يكتبوا بييجوا يسمعوا و يمشوا
طب سؤال تضمن منين انك فعلا حصلت علي 100% من المحاضرة ؟
مقصدش 100% فهم لا طبعا انت ممكن تخرج من المحاضرة 50% فهم و لما تذاكر في البيت النسبة تعلي
انا اقصد 100% عارف الكلام اللي اتقال


انت انســـــــــــــــــــــــــــان
من النســـــــــــــــــــــــيان!!

مستحيل حتبقي فاكر كل كلمة اتقالت بجد ....
فلازم تكتب المحاضرة و انت بتكتب الكلام صدقني حيدخل دماغك جدا و لو مش فاهم حاجة حتلاقيك و انت بتكتبها ممكن النور ينور في المخ
و تلاقيك فهمتها .....

مع مراعــــــــــــــــاة
ان مشكلة
انا مش فاهم من الدكتور
دي مش حتقابلها الا نادرا ده رأيي الشخصي
انا قابلتها مرتين بس
كنت بستوعب حوالي 40% من المحاضرة
و لما بذاكر النسبة بتعلي بصراحة
بتبقي 41%

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي
...........................................


يبقي دلوقتي وصلنا لكذا حاجة

احضر كل المحاضرات
اكتب
ركز كويس جدا


طيب فرضا انا مش فاهم من الدكتور و ذاكرت و مافيش فايدة اعمل ايه؟
سهــــــــــــــــل جدا
السكاشن
المعيد حيعيد شرح المادة و ممكن يحل اسئلة كمان ...
دي بقي اضمن لحضرتك لازم حتفهم


كان عندنا مادة الرياضة كانت متلخبطة شوية
الدكتور جه مرة و مجاش محاضرتين
و بعديه جت دكتورة
و بعدين مشيت و جه بدالها دكتور اعاد شرح حاجات هي شرحتها
و الشهادة لله شرحلنا جزء مهم جدا بطريقة كويسة جدا فهمنا منه

المهم
جه معاد السكاشن
و كان عندنا معيد بسم الله ما شاء الله
انا اعتقد لولا انه شرحلنا كان زمانا خلاص ...

ادي مشكلة اتحلت اهي من خلال السكشن
و عشان تبقي عارف غالبا المعيدين ان مكنش كلهم
بيبقي شرحهم كويس جدا فعلا

اللي عاوزة اوصله ان مافيش مشكلة ملهاش حل

حتي لو مش فاهم حاجة ممكن تسأل المعيد او تخليه يشرحلك
هما بيبقوا مرحبين علي فكرة ربنا يكرمهم

البنـــــــــــــــــــات

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

نصيحة متروحيش تسألي معيد في حاجة
عاوزة تسألي اسأليه في السكشن مع باقي زمايلك
ليه بـــــــــــقي؟
اقول لحضرتك ....
المعيد عموما بيقي سنه صغير حبتين فالبنت بتبقي محرجة جدا انها تتكلم معاه او يشرحلها حاجة

طب انا عاوزة اسأله في حاجة فعلا و اتكسف اسأل ادام الناس كلها اعمل ايه؟
حبيبتي و اختي في الله....
اختاري اخف الضررين

تقفي تكلميه لوحده ؟
و لا تقفي تسألي في السكشن؟
فكري كده ........

لو معيدة ماشي ممكن تسأليها لوحدها
انا عارفة كلامي ممكن يكون بديهي لبعض البنات
لان الطبيعي اصلا انك حتتكسفي تسأليه في حاجة
بس بردو للأمانة اديني بقول

و في حاجة كمان ...
ممكن للضرورة القصوي يعني خلاص لسانك اتربط مقدرتيش تتكلمي في السكشن
و محتاجة الســــــــــؤال ضروري جدا
متروحيش لوحدك..... لازم تبقوا مجموعة مع بعض عشان تبقي متشجعة بيهم ...
بس في حالات نادرة جــــــــــــــدا
ده رأيي الشخصي ...


نرجع لموضوعنا تاني ....
الحضـــــــــــــــــور
التــــــــــــــــركيز
الكــــــــــــــــــــتابة

طيب جوة المحاضرة عاوز اسأل ؟؟

اما ترفع ايديك و تستني الدكتور يقولك اتفضل
و كذلك في السكشن

او الطريقة التانية و الأحسن للبنت لأنها تتكسف تسأل ادام المدرج كله....
تكتب او تكتبي ورقة فيها سؤلك و تمررها للي قدامك ....
و تابع الورقة بقي
لحــــــــــــــــــــــــــد ما توصل لأول بنج
(اسمه بنج بالمناسبة مش دسك)
و حد حيقوم يحطها للدكتور قدامه

الدكتور بقي بيقرأ الورق ده و يجاوب


يبقي فـــــــــــــــــاضل نعرف حنعمل ايه في البيت ......



علي باب تجارة (7)

نذاكر ازاي في البـــــــــيت؟

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

قبل اي حاجة لازم نعرف نبذة كده عن المواد اللي عندنا السنة دي ......
المواد عندنا باذن الله حتبقي نظري و عملي
و بالمرة المواد اللي عند حضراتكم

الترم الاول

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

اصول الادارة والتنظيم
(
مادة نظري و ممتعة جدا جدا بتفهمنا يعني ايه ادارة و يعني ايه وظائف الادارة ....
و مهارات المدير و ازاي بيكون الهيكل التنظيمي اللي هو المدير و اللي تحته في المنصب
بجد مادة بالنسبة لي كانت ممتعة جدا و هي نظري علي فكرة
)

السلوك الانسانى في الادارة
(
مادة السلوك الانساني تمكننا من فهم تصرفات الافراد _ في المنظمة_ و تمكننا من التعامل معهم .. يقال بأنه لو تمكننا من فهم الدوافع النفسية للأفراد فانه يمكننا التحكم بهم ( بريموت كنترول) بمعني ان لكل فرد نقطة ضعف يمكن استغلالها و نقطة قوة يمكن الاستفادة منها ... مثلا انسان المال هو نقطة ضعفه و دافعه القوي لفعل شئ .. من الممكن ان يستغله والده و يعده بانه اذا حصل علي تقدير جيد فسيعطيه 200 جنيه مثلا و كل ما التقدير يزيد الفلوس تزيد...
في مادة السلوك الانساني حنتكلم عن الاشئاء التي تؤثر في السلوك الانساني للفرد و يعني ايه دافع و ازاي نستخدم الدافع د ه و حنتكلم عن العلوم السلوكية و حاجة اسمها العملية الادراكية و حنتكلم عن الشخصية الانسانية و التهديدات التي تواجه الشخصية و الوسائل الدفاعية ضدها ..مع العلم بان المادة عموما لا تختص بالطب النفسي مثلا ... لا ابدا.. لكنها تؤهلك للتعامل مع افراد المنظمة .. حتي باين من اسمها
)

المحاسبة المالية
(
لو في شركة بتبيع و بتشتري مثلا ...المحاسبة بتقعد تحسب الشركة اشترت ايه و عليها كام و كده و بتحط كل ده في حاجة اسمها القوائم المالية .....
سمعت عن الميزانية ؟
حضرتك بقي حتعمل ميزانية ...طيب ايه لازمة القوائم دي ؟
بنقدمها للمستخدمين الداخليين ( الادارة و كده لانهم لازم يبقوا علي علم بوضع المنشأة ...و المستخدمين الخارجيين اللي هما زي الضرائب لاننا بندفع ضرائب ع اللي بنكسبه ...
من الاخر المادة دي سهلة جدا بس لو فهمـــــــــــــت اساسياتها هتبقي عبقري محاسبة ....
و علي فكرة شرح المادة موجود هنا علي الموقع بطريقة رائعة حتفيد حضراتكم باذن الله
)

الرياضة للتجارين 1
(
من اجمل المواد اللي قابلتها بجد فعلا !!
لأنها منهجها صغير جدا جدا و ده كان من حظنا لأن الوقت مسمحش لشرح المادة كاملة ...
و خدوها قاعدة عامة ان كل مادة بتبقي حسب الدكتور اللي بيدرسلك ...
في دكاترة بتلغي كتير او الوقت مش بيكفيهم و في دكاترة بيقرروا الكتاب كله
بس عموما الرياضة مادة جميلة ......
و لو بردو فهمتها كويس هتبقي عبقري محاسبة و رياضة !!!
و شرحها موجود هنا علي الموقع بردو
)

الموارد الاقتصادية
(
لو كنت من الناس اللي بتحب الجغرافيا و المحاصيل يبقي حتمشي في المادة دي كويس جدا ...
لو مكنتش بتحب الحاجات دي زيي يبقي ادعي ربنا يديك الدكتور عاطف معتمد عبد الحميد لأنه هيبقي بيحكيلكم حكاية مش بيشرح مادة معقدة ... انا شخصيا مش بحب الجغرافيا و المحاصيل خالص بس جبت فيها 17 من 20 بالنسبة لي ده كان انجاز ....
اهم حاجة لازم تعملها انك تحضــــــــــــــــر محاضراته لأن كلامه كويس جدا و بيخليك تفتكر المنهج حتي لو مش مذاكر ...
و اسمع كلامه في اللي حيطلبه منكم ... لأنه بيبقي عاوزك تدور علي النت علي حاجات معينة مش موجودة في الكتاب و تكتبها في ورقة الاجابة ... ممكن ناس تقول ان ده كده عيب مش ميزة لأنه بيكلفنا بحاجة مش موجودة في الكتاب ....
بس صدقوني الحاجات اللي دورت عليها لحد دلوقتي موجودة في دماغي ...الشيوعية / الماركسية / الليبرالية / الامبريالية ........
دي حاجات هتقابلوها في المنهج معاه ...... تخيل بقي ان ثقافتك حتزيد بجد مع الدكتور ده و بعد ما تدرس المادة دي معاه !!
)



اما الترم التاني

[
على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

محاسبة شركات اشخاص
(
محاسبة بردو بس من نوع تاني مختلف حبتين ....
حضراتكم عارفين ان الشركة ممكن يملكها فرد واحد و ممكن عدة شركاء ...
في المحاسبة دي حنعرف ازاي نوزع الأرباح علي الشركاء و ازاي بيتكون رأس المال و حصة كل شريك و كمان عند تصفية الشركة ايه اللي بيحصل و كده كلامنا كله فيها حيبقي عن الشركاء .... و هي مادة كويسة بردو بس عاوزة متابعة عشان متتوهش فيها ....
و حظكم يبقي حلو جدا لو اداكم الدكتور منصور حامد لأنه منظم جدا و مرتب في كتابته للمحاضرة و طريقة كلامه كمان ....
و المادة دي مشروحة علي الموقع هنا بردو بطريقة اكتر من رائعة و حتستفيدوا منها باذن الله
)

مقدمة في المحاسبة E
(
دي هي هي المحاسبة العربي اللي اتكلمنا عليها فوق بفروق طفيفة جدا مش حتحسوا بيها ...
و كنا فاكرين انها صعبة لأنها بالانجليزي بس حتلاقوها سهــــــــــــــــــلة جدا جدا ...
و هنا ترجمة لمصطلحات المحاسبة اللي حتلاقوها ان شاء الله


ترجمة مصطلحات accounting



مقدمة في ادارة الاعمال E
(هي شبيهه بالادارة الترم الاول ... بس عاوزة متابعة عشان لما حتتراكم مبتتلمش )

مبادى القانون
(قانون حقيقي مش تجاري حتعرفوا قانون بجد و بالنسبة لي كانت مادة ممتعة بردو بجد بس كبيرة شوية )

مقدمة في علم الاقتصاد
( مادة نظري عن العرض و الطلب و السوق و الحاجات دي )



و زي ما قلت شرح المواد العملي الاربعة موجود هنا علي الموقع و حنزله لحضراتكم في نهاية الكلام عن الدراسة .....

نــــــــــــــــــــــــــــــــــرجع لموضوعنا تاني .......


ازاي نذاكر في البيت ؟

باختصــــــــــار شديد عشان انا اتكلمت كتير جدا ...
المادة النظري و المادة العملي في البيت حتعتمد في مذاكرتها علي ....

1__ المحاضرة عشان تفهم المنهج كويس
2__ الاسئلة اللي ممكن تاخدوها في السكشن مع المعيد و حلول المسائل و كده
3__ التطبيقات
ما هي التطبيقـــــــــــــات ؟

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

التطبيقات دي عبارة عن كتاب صغير كده ورقه عامل زي ورق الجرايد بيبقي فيها اسئلة و اجوبة ...
مش كل الدكاترة بتنزل تطبيقات علي فكرة و سعر التطبيقات في المادة حوالي 8 او 10 جنيه كده ....
و لما الدكتور بينزل تطبيقات يبقي الامتحان جاي منها علي فكرة ...

اشتري التطبيقات منين ؟
ارجع كده للخريطة فوق حتلاقي علي اليمين خالص شارع كده و كاتبة عليه التطبيقات
من هناك بقي حتشتري التطبيقات من (دار الثقافة العربية ) او علي حسب ما الدكتور بينزل التطبيقات فين ...


كـــــــــــــــــــــــــــــــــــــــل اللي فات ده ملوش لازمة من غير
ملزمة الامتحانات



ملزمة الامتحانات دي بتنزل قبل الامتحانات بشهر و لا حاجة كده ...
ببلاش من اتحاد الطلبة ..........

ازاي تتعامل مع ملزمة الامتحانات ؟
















علي باب تجارة (8)

ازاي نتعامل مع ملزمة الامتحانات ؟؟

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

زي ما قلنا انها بتنزل ببلاش في اتحاد الطلبة اللي ما بين مدرج ج/ د و مدرج أ /ب قبل الامتحانات بشهر او شهر الا .....

جبت ملزمة الامتحانات ؟

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

اول حاجة تعملها في الملزمة انك تقرأ كل الامتحانات و معاك قلم .....
شوف الاسئلة المتكررة في كل امتحان و علم عليها ....


الاسئلة دي هي اللي جاية في الامتحان !!!

و بالدليل القاطع والله عملتها ...
الامتحان كان فاضل عليه حولي 4 ايام و حسيت اني مش حلحق اراجع اللي فات طب اعمل ايه ؟
عملت كده حليت اسئلة الامتحانات المتكررة و ذاكرتها كويس و بعدين ذاكرت بقية الاسئلة
و اللي حصل ان الامتحان بالنص جه من الاسئلة

و الكلام ده في المواد النظري علي فكرة ....
أما المواد لعملي فحلها هو انك تحل الاسئلة المحلولة في التطبيقات و تدي ثقة لنفسك !!
و بعدين حل الاسئلة الغير محلولة سواء بقي في التطبيقات او في ملزمة الامتحانات ...

من غير ملزمة الامتحانات يبقي المذاكرة ملهاش لازمة علي فكرة لان هيبقي عندك المعلومات بس مش عارف تجمعها كويس ....


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

الجزء التاني كان ....
الفترة اللي قبل الامتحانات .....


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

في الفترة اللي قبل الامتحانات لازم لو باقيلك اسئلة تكملها و تحلها بالنسبة للنظري
اما العملي حل كتير جدا عشان ايدك تبقي واخدة علي الحل
حتي بيقولوا ان الايد هي اللي بتفتكر مش المخ ......

طيب فاضل علي الامتحان ايام اعمل فيها ايه ؟
راجع الاسئلة اللي انت حليتها من ملزمة الامتحانات للنظري و استمر في الحل في العملي ...

ازاي الخص المنهج كله في ورقة ؟

ورقة واحدة !!!!

وش و ظهر

هات ورقة فلوسكاب و لازم تعرف انك مش حتسيب فيها مكان فاضي !!
و لكن الورقة دي هي بس اللي حتبص فيها الصبح
خطك يكون صغير جدا جدا

طيب نعملها ازاي ؟
مش مهم حد يفهم المهم حضرتك تفهم ....
الكلام يبقي مختصر جدا و يبقي اول الكلام بس هو المكتوب او الكلمة اللي توصلك للي بعدها
مثال سهل اوي
نزلت رحت المترو و ركبت المترو و رحت الجامعة و وصلت الجامعة و اكلت و بعدين كان عندي محاضرة حضرتها و بعدين قابلت زميلتي سلمت عليها و أكلت تاني و حضرت محاضرة تاني و روحت بيتنا ......

الاختصار بتاعها ......
مترو / جامعة / اكل / محاضرة 1/ زميلتي/ اكل / محاضرة2/ بيت

حاولت اجيب مثال من الدراسة بس مش فاكرة حاجة خالص منها .....
المهم حتفضل كده طول الورقة لخص الحاجات المهمة بنفس الطريقة كلمات فقط حتي لو كنت انت بس اللي تفهمها...
انا جربتها قبل كده فعلا و لخصت المنهج كله في ورقة وش و ظهر و دي بس اللي راجعتها الصبح .....
.............
و باذن الله حيبقي لها شرح تفصيلي في موضوع لوحدها قريبا .....


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


اهم حاجة خلال الامتحان نفسه ..........

لازم تنام كويس جدا و تبقي مركز ,,,
اصحي الصبح استحمي عشان تفوق ,,,
اقرأ ما تيسر من القرآن الكريم ...
الكارنيه بتاع الجامعة عشان حتمتحن بيه ....
لو نسيته حياخدوا البطاقة مش مشكلة
....
على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

سمي الله و قل رب اشرح لي صدري و يسرلي امري و احلل العقدة من لساني يفقه قولي
اللهم لا سهل الا ما جعلته سهلا و انت ان شئت تجعل الحزن سهلا ....


بالنسبة للامتحانات
الاهم من رقم جلوسك هو رقم الكرسي علي فكرة
لأن كده كده الورقة بتيجي عليها رقم الجلوس ....
و حتي لو حصل خطأ متقلقوش ...
المراقبين بيوزعوا الورق بالاسم ..

و بالنسبة للبنات في تفتيش للودان
في واحدة بتيجي و بتحط ايديها علي ودانك من فوق الطرحة عشان تشوف لابسة حاجة في ودانك و لا لا ...
سماعات مثلا ...




اسرار ورقة الاجابة ....

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

الخط و التنظيم ودي معروفة طبعا ......
نظام الخرائط و ده مهــــــــــــــــــــــــــــــــــــــــــــــــ ــــــــــــــــــــــــم جدا .......

لو عندك سؤال حتكتب فيه اجابة مكونة من 1 _ 2 _ 3 _ 4 _ 5
و كل واحدة فيها أ _ ب __ ج
الكلام ده يتكتب قبل الاجابة افرض الوقت خلص و ملحقتش تخلص ؟!!
يبقي الاجابة مكتوبة كاملة .....

حصلت معايا في مادة و جبت 20 علي فكرة بس كنت كاتبة نفس الكلام ده و باين اني ملحقتش اخلص !!
عملت خريطة كده للاجابة قبل الاجابة
و انا بشرح بقي ملحقتش اكمل للآخر
و جبت 20 من 20
الحمـــــــــــــــــد لله !!


طلعت من الامتحان متراجعش قول الحمد لله و انسي المادة دي خالص ....
ساعات بنقعد نزعل نفسنا علي مادة اوي لدرجة اننا بنقصر في اللي بعدها .....
المادة اللي كنا زعلانين عليها بنجيب درجة حلوة فيها
و المادة التانية بننزل في درجاتها ..



حاجة مهـــــــــــــــــــــــــــــــمة
الاخوان و تكريم الاوائل ..

اكيد اكيد هتتعرفوا علي الاخوان ( اسرة شباب بكرة ) ما شاء الله عليهم
احب اقولكم نوعا من انواع التشجيع ان الاخوان بيدخلوا عندكم الترم التاني و بيسألوا مين جاب اكتر من كذا ؟
و بياخدوا اساميكم و بيصنفوا الاوائل علي المجموعة ..
و بيحددوا يوم و بيكرموكم ما بين محاضرتين ...
و بفضل الله عملوا كده معانا السنة اللي فاتت ...
و ادونا شهادة تقدير و كتيب صغير اللي قلت لحضراتكم عليه ( سلامة قلبك )
ما شاء الله هي هدية بسيطة بس معناها بيبقي كبير جدا


علي باب تجارة ( 10)

اسئلة حــــــــــــــول الدراسة و اجاباتها

في بعض الحاجات اللي حضراتكم هتبقوا عاوزين تعرفوها ...
دلوقتي باذن الرحمن هكتب الحاجات دي ...

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

المـــــــــــــواد الدراسيــــــــــــة

عندنا في السنة الواحدة 10 مواد
5 ترم أول / 5 ترم تاني
و كل مادة 20 درجة
بس مش كل مادة تتذاكر بنفس المجهود
ممكن مادة تذاكرها في الايام اللي قبل الامتحانات و تجيب 20
و مادة تذاكرها من اول السنة و تحل عليها و تجيب 17
حســـــــــــــــب صعوبة المادة
و لو ان مافيش مادة صعبة لأننا قلنا ان صعوبة المادة بتبقي حسب الطالب نفسه
ناس تحب الحفظ / ناس تحب العملي .....و هكذا

المهم نرجع لموضوعنا تاني ....
يبقي كده عندنا 40 مادة خلال الاربع سنين
و المادة 20 درجة
يبقي مجموعك بعد التخرج من كام ؟
بالظبط كده 800 درجة


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

يعني ايه تقدير و بيبقي من كام؟
بص احنا قولنا انك في السنة بتاخد كام مادة 10 صح؟
و خمس مواد كل ترم و كل مادة بعشرين درجة و السنة كلها 200 درجة ..
تقديرك بيبقي في الترم الواحد من 100

من 50% ل65% مقبول

من 65% ل 80% جيد

من 80% ل 90% جيد جدا

من90% ل 100% امتياز



على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


يعني ايه مع مرتبة الشرف؟
لما واحد يجيب امتياز مع مرتبة الشرف معناها انه طول الاربع سنين مقلش عن امتياز
و في بردو جيد جدا مع مرتبة الشرف ....

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


النتيجة بتطلع امتي ؟
نتيجة الترم الاول بتبقي في الترم التاني
يعني بنبقي داخلين الترم التاني و مش عارفين نتيجتنا
و بعدين بتطلع بعد الترم التاني بحوالي اسبوعين كده

اما نتيجة الترم التاني فتبقي حسب مواعيد الامتحانات
ممكن تطلع بعد 20 يوم من اخر امتحان
ممكن اقل و ممكن اكتر علي حسب يعني ......


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


بالنسبة للكورسات ......
سمعت عن كورسات كتير و بيقولوا في منها اجباري
انا مش فاهم حاجة ...............


طيب اولا كده في كورس اسمه ICDL ده اجباري علي حضراتكم
و احنا اول ناس يتطبق علينا الحكاية دي ...
و لو مأخدتوش مش هيطلع لحضرتك شهادة تخرج ده المعروف يعني
الكورس ده بتدرس فيه برامج زي
it
windows
word
excel
powerpoint
access
internet

المهم ناخد الكورس ده فين و بكام
( ملحوظة مهمة جداااااااا ان كل اللي هيتكتب ده معرض للتغيير لأن الاسعار ممكن تزيد من سنة لسنة و الاماكن تتغير و كده )

و ملحوظة اهــــــــــــــم ...انا بشكر الاعضاء اللي بجد أفدونا في المعلومات اللي هكتبها دي ...
جزاكم الله خيرا


اول مكان ناخد فيه الكورس
( الجمعية العلمية )
مدة الكورس : شهرين
لمدة 3 ايام فى الاسبوع 3 ساعات كل يوم من الايام
التكلفة : 550 جنيه
طريقة الدفع : 250 مقدم عند الحجز ( دي تكلفة الكورس اساسا )
300 امتحانات دولية بعد الانتهاء من دراسة الكورس


تاني مكان ممكن ناخد فيه الكورس
( المعهد القومي لعلوم الليزر عند المكتبة المركزية)
الكورس مدته شهر كل يوم ماعدا الجمعة 3 ساعات في اليوم
التكلفة 450 جنيه بالامتحانات
معتمدة دوليامن اليونسكو
و في امتحان بعد كل جزء تخلصوه و هما كلهم 7 اجزاء


Module 1:Basic concept of IT 6 Hours
Module 2:Using the computer and managing files(windows) 12 Hours
Module3: Word processing (word) 12 Hours
Module4: Spread sheets (Excel) 12 Hours
Module5: Databases (Access) 12 Hours
Module6:Presentations(Power Point) 12 Hours
Module7: Information and communications (Internet) 6 Hours



تالت مكان ممكن ناخد فيه الكورس
(كلية هندسة)
الكورس بيبدأ كل اسبوعين ...
التكلفة 135 جنيه بالامتحانات
الكورس لطلبة جامعة القاهرة فقط
مطلوب 2 صورة شخصية / 2 صورة بطاقة / 2 صورة لكارنيه الجامعة

و في مكان تاني في كلية هندسة بردو
تكلفته 275 جنيه للكورس فقط
و يتم دفع 35 جنيه عند الامتحان
ده منحة لطلاب جامعة القاهرة
و لو نجحت تاخد 35 جنيه تاني


رابع مكان ممكن ناخد فيه الكورس
( مركز خدمة المجتمع )
مدة الكورس : شهر ونصف
المدة : 3 ايام فى الاسبوع 3 ساعات كل يوم من الايام
التكلفة : 150 جنيه
ويتم دفع 5 جنيه عند كل امتحان


و ده موقع لمكان بيقدم الكورس بردو
مركز الإحصاء والتعبئة

http://www.capmas.gov.eg/courses/icdl_E3lan.htm


و ده موقع لمكان تاني بيقدم الكورس
http://www.icdlegypt.gov.eg/index_ar.aspx




ده كل ما توصلنا له في كورس ICDL

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


و دي نصيحة هتلاقوها علي ملزمة الامتحانات و جزاها الله خيرا العضوة الفاضلة نقلتها لنا هنا ....
انا رجل من القاهرة واتخرجت من كلية التجارة فى عام 1985 واعمل مدير مالى لاحد الشركات المهمة فى مجالها فى مصر.

واستطيع بعد عشرون عام ان انصحكم بالتالى :-

1- لاتضيع وقتك فى الاجازة وفى السنة الاولى ابدا بدراسة اللغة الانجليزية دراسة جيدة فى الجامعة الامريكية مثلا.
2-فى السنة الثانية ابدا دراسة الكمبيوتر والبرامج المشهورة واحترف هذا الموضوع من الكتب مش من الاصدقاء.
3- خد دورة كمان فى تجميع الحاسب لان ذلك سيزيد من مهاراتك فى العمل.
4- فى السنة الثالثة فى الاجازة ابد فى دراسة شهادة من شهادتين ضرورى جدا اما cpa او cma وهى شهادات امريكية دولية للمحاسبين ومن يحصل على واحدة منهم مرتبه معروف فى جميع دول العالم وفى مجلة بطلع الكلام ده المرتب مش اقل من 10000 مصرى فى الشهر
5- شهادة ال mba برده مطلوبة للاداريين

المهم الافضل عمل ما قلته سابقا لان البدء بعد التخرج فقط يكلف وقت والاحسن ان تكون جاهز عند حصولك على الشهادة من الجامعة.
6- هام جدا ان تحتفظ بكتب الجامعة علشان حتحتجها بعدين وايضا لابد من بناء علاقات جيدة مع الاساتذة
لانهم حيفيدوك جدا عند الحاجة لاستشارة فى العمل .

فى النهاية هذه النصائح محدش قلى عليها زمان وضاع منى وقت فى اكتشافها وها هى مجانا لكم
وادعوا الله لكم بالتوفيق.
هانى نديم


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


تصوير الورق فيـــــــــــــــــن؟
تصوير الورق عند مركز خدمة المجتمع اللي موجود في الخريطة ممكن ترجع تشوفه مرة تانية
و قلنا في 2 مركز خدمة المجتمع تصويره رخيص 10 قروش الورقة.....
و في كمان مركز تصوير تحت المكتبة المركزية اللي قلت ان عليه ملحوظة ...
الملحوظة هي ان الورقة ب 15 قرش ....
.........

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


اعرف ازاي مجموعتي تبع مكتبة ايه ؟
هما اول يوم في الدراسة هيدخلوا و يوزعوا ورق هتعرف وقتها


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


اعرف مجموعتي ازاي ؟

  أ / ب / ج / د انتظام
 
المجموعات 1 / 2  انتســــــــــاب

المهم هتعرف مجموعتك كالتالي

مجموعة أ => حرف أ كله

مجموعة ب => من ب الى ظ

مجموعة ج => من ع الى محمدين

مجموعة د => من محمود الى الاخر


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

وقت النتيجة هتسمع عن حاجة اسمها درجات الرأفة
ايه درجات الرأفة دي ؟


بص حضرتك اللي هيهمك من درجات الرأفة هو اللي هقوله ده باذن الرحمن

درجات الرأفة المسموح بها هي 4 درجات بحد أقصى 3 درجات فى ماده واحده يعنى ممكن اللي جابي 8 أو 7 يترفع فيهم حسب قواعد الرأفة طيب اللي جايب 9 او 6 يعمل إيه ؟ للعلم محدش بيجيب 9 خالص لان الكنترول بيخلى ال 9 الى 10 مباشرة يعنى محدش بيجيب 9 إما إل 6 بقا فهي دى المشكلة لان الحد الأقصى لدرجات الرأفة هما 3 وال 6 تحتاج إل 4 درجات علشان كدا لانطبق قاعدة الرأفة على اى ماده فيها 6 نهائي مهما كان .

على ذلك قاعدة الرأفة فى الكلية هى 4 درجات للطلاب فى السنه الدراسية الواحده بحد اقصى 3 درجات فى الماده الواحده
وتطبق قاعده الرافة فى ثلاث حالات.............

الطالب اللى شايل اكتر من مادتين ولو خد درجات الرافه هينجح

مثلا طالب جايب فى (8)(8)(8) هياخد درجتين في ماده واحده ويطلع بمادتين سؤال كل الطلاب سألوه طيب ليه المفروض أخد إل 4 درجات كلهم مش حقي ليه ماده واحده تترفع وأشيل أتنين المفروض أشيل واحده بس وانجح في أتنين ؟ الاجابه على طول أنت نسيت إن القاعدة المطبقة إن الرأفة مهمتها توصلك لحد النجاح بس مش مهمتها أنها تخفف المواد اللي عليك عشان كدا بتترفع فى ماده واحده وبتطلع بمادتين للسنة اللي بعدها لأنك كدا بتكون ناجح خلاص .

الطالب اللى طالع بمادة (7) او مادتين (8)(8) يترفعوا عشان يكون صافى

مثلا طالبا جايب (8)(8) فى مادتين يترفع المادتين عشان يكون صافى لانها تعتبر تغير لحاله من منقول بمواد لصافى او ماده فيها (7) نفس الحالة ياخد ال 3 درجات ويطلع صافى السؤال بقا والمشكلة كلها فى لو حد جاب 6 فى اى ماده لو لوحدها متترفعش لاننا اتفقنا ان حد اقصى 3 درجات للماده الواحده حتى لو كنت في سنه رابعة هتدخل بيها سبتمبر وكمان لو انت جايب فى مادتين (6)(8) او (6)(7) فى الحالة دى مش هتترفع ال 8 ولا ال 7 ليه ؟ لأنك لو اخدت درجات الرافع مش هتكون صافى لان معاك ماده ميتة فعشان كدا تسقط قاعدة الرافع وبتطلع بالمادتين طيب لو معاك ماده (7)(8)برضه هتطلع بيهم لان حد أقصى ليك 4 درجات وقاعدة الرافه بتنقلك من حاله لحاله بس مش بتخفف المواد .

الطالب اللى فاضله على التقدير 3 درجات بس مخدش درجات رأفة في اى ماده ياخدهم عشان يوصل لأقرب تقدير

فى طلاب كتير فوجئت ان مجموع درجاتها مثلا 128 والتقدير الكلي 130 بيقولوا ازاى ده عشان الكلية بتديلك الحق فى انك تاخد درجات الرافة فى التقدير لو كان فاضلك 3 درجات فاقل عشان توصل لاقرب تقدير ليك لانه يعتبر انتقال من حاله الجيد الى جيد جدا وهكذا




يعني باختصار

حضرتك لك 4 درجات في السنة و حد اقصي 3 درجات للمادة الواحدة
و الدرجات دي بتنقلك من حال لحال
مثلا تنقلك من عايد للسنة الي منقول بمادتين
او من منقول بمادتين الي ناجح صافي
او من ناجح صافي الي ناجح بتقدير جيد
او من جيد الي جيد جدا ...
و هكذا
المسألة سهلة اوي متقلقوش ....



على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


تاني حاجة
الالتماسات ............


ساعات ممكن تجيب درجة ( ربنا ما يكتبها عليكم ) مثلا قليلة
ساعتها بتروح تعمل حاجة اسمها التماس ...
زي اعادة التصحيح بتاعة ثانوي كده
بتعمل التماس ازاي ؟
بكل بســـــــــــــــاطة
بتروح شئون الطلبة و بيدوك استمارة و بتكتب فيها المادة اللى عاوز تعمل فيها التماس وبيكون ب10 و40 قرش

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


طيب في حاجة كمان اسمها المجموعة المميزة
ايه المجموعة المميزة دي ؟
الكلام ده مقتبس من موضوع عاملينه طلبة في المجموعة المميزة

اولا المجموعة المتميزة دى عبارة عن مجموعة للمتفوقين فى الكلية .

اما عن شروط الالتحاق بها فهى كالتالى:
1-بالنسبة للى هايدخلها من سنة اولى بيكون عن طريق التنسيق الداخلى للكلية حسب كل سنة وده بنعرفه من الشئون ,يعنى مثلا السنة اللى قبل اللى فاتت كان 93 ودى كانت اول دفعة وانا منهم . اما السنة اللى فاتت فكانت من91 على ما اتذكر.
2- بالنسبة للى هايدخلها من سنة تانية فهناك شرطين :ان يكون حاصل على تقدير جيد جدا على الاقل فى سنة اولى وان يكون نظامى اما لو كان انتساب فبيحول انتظام الاول وبعدين يحول للمميزة على طول
3-يشترط للاستمرار فيها ان يحصل كل سنة على تقدير جيد جدا على الاقل اما لو حصل على اقل من كدة يخرج من المجموعة.

اما عن نظام الدراسة فيها فهو مثل تجارة e بالظبط بس الفرق ان احنا عربى.يعنى عندنا اعمال سنة وامتحانات ميد تيرم(med term) وعندنا تسجيل للغياب والحضور لكل مادة وطبعا كل ماتزيد نسبة غيابك تقل درجاتك فى المادة واذا قلت نسبة حضورك عن 75% يتم حرمانك من الامتحان فى المادة .
كمان عندنا امتحانات كتير غير الميد تيرم ساعات بتكون مفاجئة وساعات يقولنا الدكتور قبلها بيوم او اكتر.
كمان عندنا ابحاث كتير خصوصا فى المواد النظرية وايضا نظام العرض (presentation)
و بالنسبة لاماكن الحضور فهى بتكون فى تجارة e بناخد كل محاضراتنا هناك.
طبعا فى ناس كتير ممكن تخاف تتدخلها بس ببساطة اللى عايز يدخلها يعتبر نفسه داخل اى كلية عملية ويكون دايما هدفه يجيب تقدير امتياز مش بس جيد جدا ويعود نفسة على المذاكرة اول باول والحضور الدائم عدم الغياب الا نادرا عشان يكون دايما مستعد لاى امتحان سواء شفوى او تحريرى.
اما عن مميزاتها كتيرة منها:
الععدد الصغير للطلاب يعنى دفعتنا كلها 50
وكمان نظام الدراسة ده نظام مطبق فى الدول المتقدمةواثبت نجاحه وهو النظام الصحيح للتعليم واللى المفروض يطبق فى كل مراحل التعليم .وكمان العدد القليل بيخلى فى علاقة مباشرة بين الطالب والدكتور ويؤدى الى سرعة الفهم والاستيعاب.وامكانية طرح اى سؤال او استفسار فى اى وقت . وكمان فى نظام تدريب وكورسات هايطبق السنة دى.واخيرا سيكتب فى الشهادة بكالوريوس تجارة شعبة المتفوقين او الشعبة المتميزة وطبعا كل ده بيكون له تأثير كبير جدا عند التقدم للعمل

و ايضا عضو اخر قام بشرح تفاصيل المجموعة المميزة

(mr_miro)

ماهى المجموعة المتميزة ؟


هى مجموعة تضم الطلاب المتفوقين فى الكلية الشعبة العربى
يعنى هى هى المواد بتاعت انتظام و انتساب عادى و بالعربى بردو مش انجليزى

مميزات المجموعة :-

1- قلة العدد
2-تكون المحاضرات فى مبنى الشعبة الانجليزية فى قاعات مكيفة
3- التفاعل مع الدكتور و سهولة الاستفسار منه على اى جزء غير مفهوم
4- الساعات المكتبية ..
5- اعمال السنة (ابحاث ,او presentation ,او quizzes.... ) و هذا ينمى المهاراتك الشخصية طبعا
6-. يوجد حضور و انصراف (نسبة الحضور يجب ان تكون 75% على الاقل) ... فهذا يشجع على حضور االمحاضرات
7- midterms فهذا يشجع على المذكرة من اول السنة و يكون من 3 الى 6 درجات ...... و الامتحان النهائى من 14 درجة .
8- تشجيع الطلاب لبعضهم البعض للحصول على تقدير افضل



و شروط الالتحاق بها :


الحالة الاولى :-


-اذا كنت طالب جديد فعند التقديم للكلية يمكنك ان تلتحق بها :-
اذا كنت حاصل على مجمو ع كبير فى الثانوية العامة ( و هذا المجموع يحدد بواسطة الكلية)(تنسيق داخلى). للاستفتار اذهب الى شئون الطلاب.

الحالة الثانية :


- اذا حصلت على تقدير جيد جدا فاكثر:-
ففى هذه الحالة يمكنك التحويل الى المجموع المتميزة (حتى لو كنت انتساب)

مثال : انت فى سنة تانية هـ و حصلت على جيد جدا ففى هذه الحالة يمكنك التحويل اذا ارد ذلك


مع العلم ان :---- اذا كنت فى المجموع المميزة و حصلت على اقل من جيد جدا ... يتم تحويلك الى مجموعات انتظام العادية مرة اخرى


على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

حاجة كمان بقي تكونوا عارفينها
ان سنة اولي / ثانية / ثالثة اسمهم الفرق العامة
و سنة رابعة اسمها سنة التخصص
بنتخصص ايه ؟
اما محاسبة / ادارة اعمال / تأمين
و اكتر اقسام الناس بتدخلها الاول و التاني



على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي


بردو حاجة كمان ان التقدير تراكمي
بمعني ان تقديرك النهائي هيبقي مجموع الاربع سنين مش اخر سنة

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي



بالنسبة للدكاتــــــــــــــــــــرة

في 3 عناصر بتتحكم في الحكم علي الدكتور او المادة ( الدكتور نفسه / الامتحانات / التصحيح )
دكتور كويس امتحان كويس تصحيح كويس
دكتور كويس امتحان كويس تصحيح وحش
دكتور كويس امتحان وحش تصحيح كويس
دكتور كويس امتحان وحش تصحيح وحش
دكتور وحش امتحان كويس تصحيح وحش
دكتور وحش امتحان كويس تصحيح كويس

و كده يعني ...........
حكمك بقي بيتحدد ازاي ؟
بالنسبة للدكتور
_____ تحكم عليه في المحاضرة بس تكون مركز طبعا
بالنسبة للامتحان
______ سهل جدا من خلال اسئلة الامتحانات
و زي ما قلنا قبل كده ان الامتحانات هي اهـــــــــــــــــــــــــــــــــــــــــــم شئ لازم تهتم بيه
انا بقولها اهو والله كنت بقول لزميلاتي علي الاسئلة المهمة و كانت بتيجي في الامتحان
يعني نسبة 80 % ببقي عارفاه لان ربنا هداني للطريقة اللي قلت لحضراتكم عليها في المذاكرة و الاهتمام بملزمة الامتحانات جدا
بالنسبة للتصحيح
________ حسب تساهيل ربنا يعني انتم و حظكم
بس متقلقوش خلوا في بالكم قوله سبحانه وتعالى:"إنا لا نضيع أجر من أحسن عملاً" سورة الكهف 30

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي

على بـــــــاب تجاره القاهره أو اي كليه تانيه..لو داخله اولى كليه الكلام ده هيهمك اوي






اخر حاجة بالنسبة للمكتبات اللي برة الجامعة
عاوزة اقول ان في تقريبا اجماع ان ملزمة المراجعة النهائية بتبقي نوعا ما مفيدة بس بشرط واحد
تكون مذاكــــــــــــــــــــــر !!!
لأن بيبقي فيها غلطات علي فكرة و اكتشفنا غلطات قبل كده في مادتين تقريبا
فاللي بيذاكرها و يروح الامتحان بيبقي بصراحة بيضيع نفسه لأنه ممكن يكون بيذاكر معلومات غلط ...
المهم انك لو بتحب التلخيص و الحاجات دي اشتريها القرار في ايدك
بس تكون بتحضر و عارف المنهج كويس جدا جدا جدا و تكون مذاكر كويس ...
و الافضل تبعد عنها ....
و الافضل تبعد عنها ....
و الافضل تبعد عنها ....

انت لو حضرت و ركزت في المحاضرة و كتبت مع الدكتور و ذاكرت علي خفيف و حليت ملزمة الامتحانات هتجيب امتياز
انا شخصيا اشتريت ملزمة المراجعة النهائية من المكتبات في كذا مادة بس عشان اتأكد اني ماشية صح او كنت بدور علي اجابة سؤال مثلا
لكن اعتماد كلي علي الملازم بدون حضور او فهم اكبــــــــــــــــــر غلط
و علي فكرة الدكاترة بيبيقوا عارفين المكتبة اللي المجموعة بتشتري منها
و مرة معيد حكالنا ان في سنة الدكتور نزل اشتري الملازم بتاعة المكتبات و جاب الامتحان في الاجزاء اللي مش موجودة في الملازم ..
خدوا بالكـــــــــــــــــــــــــــــــــــــم جدا .....

موقع الجامعه الالكترونى أخبار الجامعات المصريه لحظه بلحظه

Related Posts Plugin for WordPress, Blogger...